Kulamo Xasaasi ah oo ka dhacay kismaayo iyo fahad yaasiin oo garwadeen ka ah.

64

Xalay waxaa kulan xasaasi ah Magalada Kismaayo ee Gobolka Jubbada Hoose uu ku dhexmaray Ra’iisul Wasaaraha SoomaaliyaXasan Cali Kheyre ,kusimaha taliyaha NISA ahna taliye kuxigeenka NISA Fahad Yaasiin oo Talaadadii tegay Kismaayo  iyo Madaxweynaha Jubbaland.

Ka hor kulanka labada dhinac ayaa dhawaan waxaa Nairobi isku arkay, Madaxweynaha Jubbaland iyo Fahad Yaasiin, iyaga oo ka wada hadlay sidii loo dhameyn lahaa khilaafka dowladda iyo Maamulka Jubbaland,isla markaana lagu wada hadlo Magalada Kisamayo ee Gobolka Jubbada Hoose

Kulanka oo Saxaafada ay banaanka ka joogtay ayaa ayaa looga hadlay dhowr arrimood oo ay ka mid ahaayeen doorashada jubbaland ka dhaceysa iyo sidii Maamulka Jubbaland u Xubno ugu yeelan lahaa dowladda Federaalka,isla markaana Golaha Wasiirada Soomaaliya Isku-Shaandheyn lagu sameyn doono.

Ilo xog-ogaal ah kana qeybgalay shirkaas ayaa sheegay in wadahadalada labada dhinac ay inta badan isku fahmeen qodobadii ay ka wada hadleen,waxaana jira isku-shaandheyn lagu sameyn doono Golaha Wasiirada Soomaaliya, isla markaana Maamulka Jubbaland uu xubno ku yeelan doono.

Sidoo kale qodobada ay ka hadleen ayaa waxaa ka mid ah in dowladda Soomaaliya aysan faragelin ku sameyn doorashada Jubbaland oo la filayo inay dhacdo Bisha Agoosto ee Sanadkaan 2019 si la mid ah doorashadii ka dhacday Magaalada Baydhabo.

Kulamada u dhaxeeya Ra’iisul Wasaare kheyre kusimaha taliyaha NISA iyo Madaxweynaha Jubbaland ayaa weli Kismaayo ka socda,waxaana warbaahinta qaarkood iyo Baraha Bulshada lagu faafinayay in dowladda Madaxweynaha Jubbaland ka codsatay in uu ka  tanaasulo u tartamida Madaxweynaha Jubbaland, hayeeshee warkaasi cadeyntiisa aysan weli soo bixin.