Aqalka Sare oo Hambalyo u Diray Guddoonka cusub ee Jubbaland

84

Aqalka Sare ayaa hambalyo u diray Xildhibaanada cusub ee Jubbaland iyo sidoo kale doorashada Gudoonka Baarlamaanka Jubbaland.

Gudoomiye ku xigeenka koowaad Aqalka Sare Abshir Maxamed Axmed Bukhaari ayaa sheegay in uu hambalyo u diraayo Guddoonka cusub ee baarlamaanka Jubbaland.

“Waxaan hambalyo & bogaadin u dirayaa Mudane Sh. Cabdi Maxamed Cabdiraxmaan oo ku guuleystay doorashadii guddoomiyenimada baarlamaanka 2aad ee Dowlad Goboleedka Jubbaland & labadiisa ku xigeen Mudane Aadan Khaliif Xaaji (KX 1aad) & M’dne Cabdi Baaleey Xuseen (KX 2aad)” ayuu yiri Gudoomiye ku xigeenka Koowaad Aqalka Sare.

 

Hambalyadda Gudoomiye ku xigeenka ayaa kusoo beegmeysa xilli Wasaaradda arrimaha gudaha Xukuumada Soomaaliya ay sharci daro ku tilmaantay habkii loo soo xulay xildhibaanada baarlamaanka Maamullka Jubbaland.

War Saxaafadeed kasoo baxay Wasaarada ayaa lagu sheegay in aysan aqoonsan doonin Natiijo kaste oo kasoo baxda Doorashooyinka maamulka Jubbaland hadii aysan waafajin Sharciga.