Daawo Sawirro: Wasiirka Gaashaandhiga oo Caabud-waaq Tababaar ugu soo xitay Ciidamo ka tirsan NISA

Wasiirka Gaashaandhigga Jen. Cabdulqaadir Shiikh Cali Diini oo ay Weheliaan Taliyaha NISA Qaybta Galmudug Saadaq Cumar Xasan, Taliyaha Booliska Axmed Maxamed Raage iyo Saraakiil  ka tirsan Ciidamada Xoogga ee qaybta 21.aad  ayaa maanta u soo xiray tababar soconayay muddo Sadex bilood ah Ciidamo gaaraya 114 oo ka tirsan Qaybta NISA  ee Degmada Caabudwaaq.

Taliyaha Ciidamada NISA qaybta dawlad goboleedka Galmudug Gaashaanle sare Saadaq Cumar Xasan ayaa ku soo dhaweeyay xerada tababarka loogu soo xirayay ciidamadan curdan ka ah ee ku soo biiray Xoogaga NISA ee Gobolka waxaana uu sheegay inay u tahay Fursad ka qayb galka Xiritaanka Tababarka Wasiirka wasaaradda gaashaandhiga  Jen. Cabdulqaadir Shiikh Cali Diini.

Wasiir Diini ayaa Munaasabadda lagu soo xirayay Tababarka ka soo jeediyay Qudbad dheer oo isugu jirtay
dhiiragalin iyo waxa laga doonayo oo ah waajibaadka laga rabo ciidanka loo xiray Tababarka waxaana uu  ugu dambayn u soo jeediyay Dardaaran ku wajahan gudashada waajibaadkooda.

Ciidankan ayaa noqonaya qaybtii ugu horraysan ee NISA ee loo abuuray sugidda iyo ka shaqaynta amniga Degmada Caabudwaaq.

 

DSCN9612

DSCN9613

DSCN9617

DSCN9618

DSCN9619