Gudiga Doorashooyinka dadban ee dalka”Waan ku amaaneynaa Galmudug sida ay usoo buuxiyeen qoondada Haweenka iyo Sideedii xubnood ee Aqalka Sare”

War Saxaafadeed ka soo baxaya Guddiga Federaalka Hirgelinta¬†Doorashada Dadban (GFHDD) ayaa looga hadlay sida ay usocdaan hanaanka doorashooyinka dalka war saxaafadeed ayaa ugu horeyn lagu yiri sidan ” Guddiga Federaalka Hirgelinta Doorashada Dadban (GFHDD)waxaa uu soo dhaweynayaa una hanbalyeynayaa Dowlad Gobaleedka Galmudug oo ku guuleystay in uu soo doorto siddeedii xubnood ee u matalayey Aqalka Saree ee baarlamaanka.

Guddigu waxa uu ku ammaanayaa Galmudug sida uu u soo buuxiyey qoonddadii haweenka ee Aqalka Sare iyadoo siddeedda xubnood ay labo ka mid ah ay yihiin haween.

Guddigu waxaa uu ugu baaqayaa Dowlad Gobaleedyada Puntland iyo Koofur Galbeed in ay sida ugu dhaqsiyaha badan u soo doortaan xubnihii u matalayey Aqalka Sare.

Guddiga Federaalka Hirgelinta Doorashada Dadban (GFHDD) waxaa uu ka codsanayaa Dowlad Gobaleedka Jubbaland in uu soo buuxiyo shuruudaha magacaabista Aqalka Sare inta aan laqaban doorashada Aqalka Sare.

Guddigu waxaa uu hoosta ka xariiqayaa in ilaa iyo hadda hannanka doorashada 2016 si habsami ah uu dalka oo dhan uga socdo.”

DHAMAAD